انا احب رجل متزوج وعنده اولاد.. وطلب يدي للزواج.. وانا مطلقه..عمري ٣٠ وهو ٤٢ ولكن اشعر معاه بالسعاده والحب.. مراته واولاده في بلد غير البلد الذي اعيش به.. وهو مش من نفس بلدي ولكنه يعمل ببلدي.. فهل اقبل او ارفض .
نوال – مصر
واقرأ ايضاً :
تركني من 10 سنين وتزوج ثم عاد يطلبني للزواج
مش مقتنعة بيه لأنه مش فارس أحلامي
مشكلتي معقدة بحب اتنين في وقت واحد
القرار ده بالتحديد لوحدك ، انتي بس اللي شايفة الموقف كويس انتي بس اللي تقدري تقرري هل ح تعيشي مع راجل متزوج وانتي مرتاحة ولا الموضوع ح يكون مليء بالكتير من المنغصات ومقلق لراحتك وفيه عدم إحساس بالامان ، لأنه دي قناعات ، انا ممكن اكون مقتنعة بالحياة مع رجل متزوج وشايفاها شيء عادي لكن غيري ، ممكن تشوفها أمر شاق جدا جدا وغير محتمل ، فهل أنتي من النوع الاول أو التاني ، ده شيء أنتي لوحدك تقدري تقرريه لوحدك ، لما تفكري انتي عاوزة إيه اساسا من الجواز
لونس البيت ضل راجل ، واحد يصرف عليكي ، واحد تقضي معاه وقت لطيف ، حد تحبيه ، شريك متكامل للحياة يكون معاكي في كل وقت ع الحلوة والمرة يشاركك كل تفاصيل الحياة ، طب انتي ح تتحملي الحياة مع نص راجل وربما أقل ، كلها أسئلة لازم تساليها لنفسك قبل ما تقرري توافقي أو ترفضي
طبعا مفيش حاجة مضمونة علي الإطلاق ، لكن علي الأقل بتكون هناك بعض الأسس الواضحة الي بتؤكد
ان هذا الزواج سيكون ناجح بنسبة كبيرة إذا ضمنت وجود هذه الأسس بتكوني ضمنتي نجاح الزواج بنسبة كبيرة ، وبعدين انتي لسة صغيرة جدا مثلك لم يتزوج بعد وعندك تجربة فاشلة ، والحياة لا تتحمل ضياع العمر في مزيد من التجارب الفاشلة يكفيكي تجربة لتتأني وتتعلمي وتحتاطي لتكون تجربتك التانية ناجحة وربنا يوفقك للخير
عواطف عبد الحميد
مستشارة العلاقات الأسرية والاجتماعية
واقرأ أيضاً :
بحب شخصيتها بس مش حابب شكلها
أرفض تعاليه وإساءاته زوجي مؤذي بس مش عارفة أسيبه
عيب خطير في زوجتي جعلني أبعد عنها
