جوزي بخيل ومش بيشتغل وانا اللي بصرف عليه مع الضرب والاهانه ودلوقتي بخاف منه حاسة اني مش قادرة استحمل اسلوبه مضغوطة علي طول ونفسيتي تعبانه دايما وعندي 3 بنات طبعا بيسمعوا كل الاهانات دي وانا مبقتش قادرة استحمل وياما كلمته وكلمت اهله بلا جدوي عاوزة اطلق وخايفة من المجتمع ماذا افعل ؟
منال – مصر
واقرا ايضاً :
خطيبي عاوزني أسيب دراستي وانا أصلا مش مقتنعة بيه !!
بتمني لو أخلع الحجاب لاني مقتنعة بيه ..هل فيها مشكلة !!
طلبني للزواج بس هو متزوج .. وانا مترددة جدا !!
يعني بصراحة مش عارفة اقولك إيه رسالتك مستفزة إلي حد كبير ومش عارفة ليه ولصالح مين تقبلي علي نفسك وضع متردي زي كدة ، ماذا ينقصك لتعيشي مع رجل لا فائدة منه بل إن ضرره أكبر من نفعه بيضربك وياخد فلوسك وشقاكي
ح نقول عشان البنات ينشاوا بين أم وأب وتكون نفسيتهم طبيعية ، طيب تفتكري وهما شايفين أبوهم بالمنظر القذر ده وامهم بالوضع المحزن ده ممكن تكون نفسيتهم طبيعية
لو انك خايفة علي نفسك من كلام الناس في حال طلاقك يبقي تحملي وانتي حرة لأن زوجك اكيد عارف ان دي نقطة ضعفك وأنك أجبن من أنك تطلبي الطلاق فبالتالي بيتعمد إهانتك وإذلالك وسيستمر في ذلك طويلاً ، لانه شخصية معدومة الكرامة
الراجل اللي يضرب مراته لاي سبب هو شخص مريض ناقص الرجولة والذي يتركها تعمل وتنفق عليه هو لا يسمي رجل
وإذا كنت قابلة علي نفسك تعيشي مع شبه رجل فاستمري وخلي خوفك من كلام الناس يحقق لك الاستقرار وراحة البال
في الحقيقة أنتي قديمة جدا وأفكارك قديمة تماما لأن ما تقولينه عفا عليه الزمن فلم تعد المرأة الشخصية الصعيفة المستكينة المتحملة باستمرار للإهانة ، زمان كانت الست بتتحمل لأنها كانت ضعيفة غبية قليلة الحيلة معندهاش مصدر دخل خانعة خاضعة مستسلمة
لكن الىن المرأة صارت قوية تعمل وتجتهد ولها مصدر دخل فما الذي يجعلها تصبر علي رجل عديم النخوة ما الذي يجعلها تصبر علي الإذي والإهانة إلا أنها تكون مستحقة لذلك وجديرة به ، انفدي بجلدك وحافظي علي الباقي من كرامتك واطلبي الطلاق ، يا عزيزتي إذا لم يكن الطلاق حل لمثل حالتك فما هي إذن الحالات التي توجب الطلاق ، حقيقي من هان عل نقسه كان علي غيره أهون هانت عليكي كرامتك فكانت النتيجة أنك أصبحت علي هذه الصورة مجرد خادمة في البيت بدون أجر حقيقي حرام عليكي نفسك وحرام عليكي بناتك انتي بالشكل ده بتدمري نفسيتهم لما ينشأو وصورة الأب لديهم بهذا الشكل عاطل بغيض بخيل وكريه .
عواطف عبد الحميد
مستشارة العلاقات الاسرية والاجتماعية
واقرأ ايضاً :
زوجتي مستفزة وعديمة التقدير .. بفكر اتجوز عليها !!
مش قادرة اتجوز ابن عمي بسبب خيانته مع صديقتي !!
مش قادرة اتحمل خياناته وضربه بفكر في الطلاق
